Papaqçılıq qədim sənət növüdür, papağın özü isə milli qürurumuzun möhürüdür. Bu sənət yüz illər boyu xalqın tarixi, məişəti və mədəniyyət səviyyəsi ilə sıx əlaqədə inkişaf edib. Şəkidə el sənətkarlarının ənənələrini davam etdirənlərdən biri də papaqçılardır.

Tarixən Azərbaycanda papaq, təkcə başını soyuqdan qoruma vasitəsi olmayıb. Həm də namus, qeyrət, kişilik rəmzi olub. Şifahi xalq ədəbiyyatımızda papaqla bağlı çoxlu sayda atalar sözü, zərbi-məsəllər var.