Kəlağayı — ipək sapdan toxunulmuş dördkünc formalı ənənəvi Azərbaycan qadın baş örtüyüdür. Kəlağayı sənəti ipəkçilik ənənələrinin qorunub saxlandığı Şəkidə daima özünəməxsus yer tutub. UNESCO-nun Qeyri-maddi Mədəni İrs üzrə Reprezentativ Siyahısına daxil edilən bu sənət Şəkidə nəsildən-nəslə ötürülüb.

Baramaçılıq — ipək almaq üçün ipəkqurdu becərilməsı.
Baramaçılıqda ən geniş istifadə olunan tut ipəkqurdudur (lat. Bombyx mori).
Tarixi mənbələrə görə tut ipəkqurdundan ipəyin alınması hələ e.ə. XVII əsrlərdə məlum idi. Arxeoloji qazıntılar isə bu sənətin hətta eramızdan 5000 il əvvəl mövcud olduğunu deməyə əsas verir.